Radio Breizh 4 radio ar Vro

AN HOLL ABADENNOÙ

a ginnig deoc'h

2 vunutenn evit kompren

Petra eo an Internet ? Perak eo sall ar mor ? Penaos e ya ho hezoug en-dro ? Sed aze goulennoù a c'hell bezañ savet gant bugale ha koulskoude n'hon eus ket atav ur respont da reiñ dezho. Sed aze ur gronikenn 2 vunutenn evit kompren aes ha buhan traouigoù ar vuhez bemdeziek !

3 munut

Abadenn diwezhañ 08.01.2019

2vn evit kompren perak omp drammet gant hor pellgomzerioù hezoug

Gouzout a ouzit pegen a-bouez eo deuet da vezañ hor pellgomzerioù ezhoug en hor buhez. A-drugarez dezho e kavomp hon hent, e talc'homp soñj deus deiz ha bloaz hor mammoù kaer hag e chomomp kelaouet !
2 viliard hanter, setu an niver a dud er bed a-bezh o deus ur smartphone, ur pellgomzer speredek. Hag en o zouez pet a zo drammet, adiktet gant o mekanik bihan ?
Kalzig sur mat ha n'eo ket ur souezh. Savet eo ar smartphonoù EVIT desachañ hon evezh ar muiañ posubl hag e ya mat-tre en-dro. 1 eurvezh 42 a gasomp war hor pellgomzerioù dre geitad e Frans. Ouzhpenn 2 eurvezh ha kard evit ar re dindan 35 bloaz !